பாகிஸ்தான் உருவாக முக்கியப் பங்கு வகித்த முகமது அலி ஜின்னாவை பாஜகவினர் புகழ்ந்து பேசினால், அவர்களுக்கு எதிராக நடவடிக்கை எடுக்கப்படும் என்று பாஜக தலைவர் ராஜ்நாத் சிங் எச்சரிக்கை விடுத்துள்ளார்.
ஜின்னாவைப் புகழும் பாஜக-வினரை பார்த்துக் கொண்டு இருக்கமாட்டோம் என்று ஹரியானா மாநிலம் ரோடக்கில் கட்சியின் மாநாட்டில் பேசுகையில் அவர் கூறினார்.
இந்திய தேச பிரிவினைக்கு முக்கியக் காரணமாக இருந்தவர் ஜின்னா. அவரால் சில விரும்பத்தகாத செயல்களும் நிகழ்ந்துள்ளதாக ராஜ்நாத் சிங் குறைகூறினார்.
அதுபோன்ற ஒருவரை புகழ்வது பாஜக-வின் சித்தாந்தத்துக்கே முரண்பாடானது என்றார் அவர்.
ஜின்னாவை புகழ்ந்து ஜஸ்வந்த் சிங் எழுதிய புத்தகம் கிளப்பிய சர்ச்சையால், அவர் கட்சியில் இருந்தே நீக்கப்பட்டுள்ளார் என்பது குறிப்பிடத்தக்கது.
0 comments:
கருத்துரையிடுக