அமெரிக்க மருத்துவருக்கு ஹிஜாப் அணிய தடை.

அமெரிக்காவின் டெக்சாஸ் மாகாணத்தில் உள்ள மருத்துவமனை ஒன்று அங்கு பணியாற்றும் இஸ்லாமிய மருத்துவர்கள் தங்கள் தலைமுடியை ஸ்கார்ப் அணிந்து மறைப்பதற்கு தடை விதித்துள்ளது.
ஹீனா சாகி என்ற மருத்துவர், கேர் நவ் மருத்துவமனையின் இந்த கொள்கையினால், தான் மிகவும் அதிர்ச்சி அடைந்துள்ளேன் என்று கடந்த வெள்ளிக்கிழமை அன்று கூறினார்.
29 வயது நிரம்பிய மருத்துவரான இவர் அந்த மருத்துவமனை ஹிஜாப் விசயத்தில் அவ்வாறு நடந்து கொண்டதற்கு மன்னிப்பு கேட்டு அந்த கொள்கையினையும் மாற்றிக்கொள்ள வேண்டும் என்று கூறினார்.
அமெரிக்க இஸ்லாமிய உறவுகளின் மன்றம், "அந்த மருத்துவமனையின் ஹிஜாபிற்கு எதிரான இந்த கொள்கையினால் அந்த மருத்துவமனை அமெரிக்க சட்டத்தினை தெள்ளத் தெளிவாக மீறியுள்ளது" என்று கூறினர். அந்த மன்றத்தின் மனித உரிமை மேலாளரான கதிஜா அத்மான், "இது பச்சையான சட்ட மீறுதல் என்று கூறினார். இது வழிபாட்டு முறை தொடர்பான வழக்கு என்றும் அவர் ஸ்கார்ப் அணிவதால் அவரை பணியமர்த்தியவர்க்கு எந்த பாதிப்புகளும் வரபோவதாக தெரியவில்லை" என்று அவர் கூறினார்.
கேர் நவ் மருத்துவமனையின் தலைவர் இது பற்றி கூறும்பொழுது, "தான் மன்னிப்பு கேட்கப்போவதில்லை என்றும் அந்த மருத்துவமனை தன்னுடைய முடிவில் உறுதியாக இருக்கின்றது என்றும் அவரைப் பொறுத்தவரையில் இனம், மதம், ஆண் - பெண், தேசியம் ஆகிய பாகுபாடுகளை தான் விரும்பவில்லை" என்றும் அவர் கூறினார்.