ஐஸ்லாந்தில் மீண்டும் வெடிக்கும் நிலையில் எரிமலை.

ஐஸ்லாந்தில் மீண்டும் வெடிக்கும் நிலையில் உள்ள ஒரு எரிமலையிலிருந்து கிளம்பும் சாம்பல் மூட்டம் காரணமாக, இங்கிலாந்து மற்றும் அயர்லாந்து உள்ளிட்ட நாடுகளில் பல்வேறு விமான நிலையங்கள் மூடப்பட்டுள்ளன. 

கடந்த மாதம் ஐஸ்லாந்தில் உள்ள ஒரு பெரிய எரிமலை வெடித்து சிதறியதால், இங்கிலாந்து உள்ளிட்ட ஐரோப்பிய நாடுகளில் விமான போக்குவரத்து வெகுவாக பாதிக்கப்பட்டது. 

இந்நிலையில் ஐஸ்லாந்தில் மீண்டும் ஒரு எரிமலை வெடிக்க தயாராக குழம்பை கக்கி வருவதால், அதிலிருந்து கிளம்பும் சாம்பல் மூட்டம் ஐரோப்பிய வான் பாதையை மறைத்துள்ளது. 

இன்று அதிகாலை முதல் ஏற்பட்ட இந்த சாம்பல் மூட்டம் காரணமாக லண்டன் உள்பட இங்கிலாந்தின் பல விமான நிலையங்களும், அதேப்போன்று அயர்லாந்தின் பல விமான நிலையங்களும் மூடப்பட்டு விமான சேவைகள் ரத்து செய்யப்பட்டுள்ளதாக அங்கிருந்து வரும் தகவல்கள் தெரிவிக்கின்றன.