ஆப்கானிஸ்தானில் தாலிபான் மற்றும் அல் - காய்தாவினருக்கு எதிராக நடத்தி வரும் போரில் அமெரிக்க படை வெற்றி பெற முடியாது என பெரும்பான்மையான அமெரிக்கர்கள் கருத்து தெரிவித்துள்ளனர்.
இது தொடர்பாக நடத்தப்பட்ட கருத்துக்கணிப்பில் 68 விழுக்காட்டினர், ஆப்கான் போரில் அமெரிக்காவுக்கு வெற்றியும் கிடைக்காது ; தோல்வியும் அடையாது என கருத்து தெரிவித்துள்ளனர். ஜனநாயக கட்சியை சேர்ந்த 61 விழுக்காட்டினர் ஆப்கானில் உள்ள அமெரிக்க படையினரின் எண்ணிக்கையை குறைக்க வேண்டும் எனக் கூறியுள்ளனர்.அதே சமயம் 17 விழுக்காட்டினர் கூடுதல் படைகளை அனுப்ப வேண்டும் என கருத்து தெரிவித்துள்ளனர்.
மேலும் குடியரசுக்கட்சியைச் சேர்ந்த 54 விழுக்காட்டினரும், சுயேட்சை ஆதரவாளர்களில் 47 விழுக்காட்டினரும் ஆப்கானுக்கு கூடுதல் படைகளை அனுப்ப ஆதரவு தெரிவித்துள்ளதாகவும் அந்த கருத்துக் கணிப்பில் தெரிவிக்கப்பட்டுள்ளது.
0 comments:
கருத்துரையிடுக