தக்கலை, திருவட்டார் பகுதியில் நாளை மின்தடை

தக்கலை மின் விநியோக உதவி செயற்பொறியாளர் ஜார்ஜ் செல்வமணி விடுத்துள்ள அறிவிப்பு:தக்கலை துணை மின்நிலையத்தில் நாளை(24ம் தேதி) பராமரிப்பு பணிகள் நடைபெற உள்ளது. எனவே பத்மனாபபுரம், தக்கலை, வில்லுக்குறி, சுங்கான்கடை, திருவிதாங்கோடு, புலியூர்குறிச்சி, ஆளூர், பரசேரி, குமாரகோவில், குமாரபுரம், முளகுமூடு, பூக்கடை, கோழிப்போர்விளை, மேக்காமண்டபம் மற்றும் அதன் சுற்றுவட்டார கிராமங்களில் நாளை காலை 9 மணி முதல் மாலை 5 மணி வரை மின் விநியோகம் இருக்காது. இதே போன்று வியன்னூர் துணை மின் நிலையத்தில் நாளை(24ம் தேதி) பராமரிப்பு பணிகள் நடைபெற உள்ளது. இதனால் ஆற்றூர், திருவட்டார், வென்டரிகோடு, தேமானூர், அருமனை, வலியாற்று முகம், பிலாவிளை, பள்ளியாடி, குமரன்குடி, வேர்கிளம்பி ஆகிய இடங்களுக்கும் துணை கிராமங்களுக்கும் மின் விநியோகம் இருக்காது. இவ்வாறு அதில் கூறப்பட்டுள்ளது.