“எக்னாமி பாக்கெட், ஸ்பெஷல் பாக்கெட், என்ற பெயரில் வீட்டிற்கு தேவையான மளிகை பொருட்களை உள்ளடக்கி ஏழை, நடுத்தர மக்களுக்கு குறைந்த விலையில் விற்க திருவல்லிக்கேணி நகர கூட்டுறவு சங்கம் (டி.யு.சி.எஸ்.) திட்டமிட்டுள்ளது. 33 பொருட்கள் கொண்ட “எகனாமி பாக்கெட் ரூ.666-க்கு விற்கப்படும். இந்த திட்டத்தில் மஞ்சள் 50 கிராம், சீரகம் 50 கிராம், கடுகு, உடைத்த பருப்பு, சோம்பு, வெந்தயம் ஆகிய தலா 50 கிராமும், மிளகு 25 கிராம் அடங்கும்.
ரின் சோப்பு 5 (100 கிராம்), ஷேம்பு- 5 பாக்கெட், ஹமாம் அல்லது
லக்ஸ் சோப்பு 2 (100கிராம்), பல் பேஸ்ட் 80 கிராம், சமையல் எண்ணை 1 லிட்டர் பாக்கெட் இரண்டு, இதயம் நல்லெண்ணை 200 மில்லி, பாராசூட் தேங்காய் எண்ணை-100 மில்லி, சபினா 450 கிராம் பாக்கெட், பாத்திரம் தேய்க்க கூடிய பிரஷ் 1, தீப்பெட்டி- 1 ஆகியவை இந்த திட்டத்தில் அடங்கும். வெளி மார்க்கெட்டில் இதன் மதிப்பு ரூ.800.
மேலும் உப்பு, புளி, குண்டு மிளகாய், மல்லி தலா 500 கிராம், கடலை பருப்பு, உளுத்தம் பருப்பு, துவரம் பருப்பு, பாசிப்பருப்பு தலா 1/2 கிலோ, வறு கடலை, பச்சைப்பட்டாணி, கொண்ட கடலை, தலா 200 கிராம், அப்பளம் ஒரு கட்டு, அரிசி வடகம் ஒரு பாக்கெட்டு, பினாயில் 1 பாட்டில், கிளினிக் ஆசிட் 1 பாட்டில்.
ஸ்பெஷல் பேக்கேஜ் திட்டத்தில் ரூ.999-க்கு 46 மளிகை பொருட்கள் வழங்கப்படுகின்றன. மேற்கண்ட 33 பொருட்களுடன் மேலும் 13 வகை பொருட்கள் சேர்த்து வழங்கப்படும். பூஸ்ட் அல்லது ஹார்லிக்ஸ் 1/2 கிலோ பாக்கெட், முந்திரி, திராட்சை, சேமியா, டீத்தூள் 200 கிராம், ஆட்டா, மைதா, ரவா தலா 1/2 கிலோ, பேரிச்சம்பழம் 100 கிராம், ஹேர் ஆயில் 100 கிராம், டூத் பிரஸ்-1, சமையல் அரை சிறிய துண்டு ஆகியவை இதில் அடங்கும்.இதன் வெளிமார்க்கெட் விலை ரூ.1200 ஆகும்.
இதுகுறித்து டி.யூ.சி.எஸ். இணைப்பதிவாளர் சரவணன் அவர்களிடம் கேட்டபோது, சாதாரண மக்களுக்கு குறைந்த விலையில் மளிகை பொருட்கள் கிடைக்க வேண்டும் என்ற நோக்கில் இந்த திட்டத்தை 1-ந்தேதி முதல் செயல்படுத்துகிறோம். டி.யு.சி.எஸ். சொந்தமான 220 ரேஷன் கடைகளிலும் 8 சுயசேவை பிரிவுகளிலும் 8 மண்எண்ணை வழங்கும் நிலையங்களிலும் மொத்தம் சென்னையில் 236 இடங்களில் குறைந்த விலை மளிகை பொருட்கள் கிடைக்கும் என்றார்.
0 comments:
கருத்துரையிடுக